ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

საგარეო საქმეთა სამინისტრო ავლაბრის რეზიდენციაში გადავიდა.

ამის შესახებ ინფორმაცია ნეტგაზეთს მთავრობის ადმინისტრაციაში დაუდასტურეს. თავად საგარეო საქმეთა სამინისტროში კი ნეტგაზეთს არ პასუხობენ.

მთავრობის ადმინისტრაციაში აცხადებენ, რომ ლეონიძის ქუჩაზე, სადაც ბოლოს იყო საგარეო საქმეთა სამინისტრო, ამჟამად საკონსულო დეპარტამენტია დარჩენილი.

ავლაბრის რეზიდენცია თბილისში საქართველოს მესამე პრეზიდენტის, მიხეილ სააკაშვილის ინიციატივით აშენდა და 2018 წლამდე აქ პრეზიდენტის სასახლე იყო. აქ იყო „ქართული ოცნების“ მმართველობის პერიოდში არჩეული საქართველოს მეოთხე პრეზიდენტის, გიორგი მარგველაშვილის რეზიდენციაც. სწორედ ავლაბრის რეზიდენციაში დარჩენა იყო ერთ-ერთი პირველი მიზეზი, რის გამოც ბიძინა ივანიშვილი და „ქართული ოცნება“ გიორგი მარგველაშვილს დაუპირისპირდა.

თუმცა 2018 წელს, საქართველოს პრეზიდენტად არჩევის შემდეგ, სალომე ზურაბიშვილმა უარი თქვა ავლაბრის რეზიდენციაში შესვლაზე და მას შემდეგ პრეზიდენტის რეზიდენცია თბილისში, ათონელის ქუჩაზე მდებარე ორბელიანების სასახლეში გადავიდა.

პრეზიდენტის ავლაბრის სასახლე კი 2019 წლიდან სახელმწიფო ცერემონიების სასახლედ იყო გადაკეთებული.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.