ტრამპის ადმინისტრაცია უფრო მეტ შეზღუდვებს აწესებს რუსეთის ნავთობის, გაზისა და საბანკო სექტორებზე რუსეთის მიერ აშშ-ის გადახდის სისტემებზე ხელმისაწვდომობის შემდგომი შეზღუდვით — იტყობინება CBS ოთხ წყაროზე დაყრდნობით.

უფრო კონკრეტულად, CBS-ის თანახმად, ფინანსთა დეპარტამენტმა აღარ გააგრძელა ბაიდენის ადმინისტრაციის მიერ იანვარში დაწესებული 60-დღიანი გამონაკლისი, რომელიც სანქცირებული რუსული ბანკების მონაწილეობით კონკრეტული ენერგეტიკული ტრანზაქციების საშუალებას იძლეოდა.

გამონაკლისი დაშვებული იყო რუსეთის ფინანსური ინსტიტუტებზე, როგორიცაა: Vnesheconombank, Bank Financial Corporation Otkritie, Sovcombank, Sberbank, VTB Bank, Alfa-Bank, Rosbank, Bank Zenit, Bank Saint-Petersburg და რუსეთის ცენტრალური ბანკი.

ამერიკულ საბანკო სისტემებზე ხელმისაწვდომობის შემდგომი შეზღუდვის გადაწყვეტილება სხვა ქვეყნებს ურთულებს რუსული ნავთობის შეძენას, რითაც ზღუდავს მის გლობალურ მიწოდებას. CBS-ის თანახმად, ამან შეიძლება გამოიწვიოს ფასის მატება ბარელზე 5 დოლარამდე, რაც შესამჩნევი ნახტომია ბოლო კვირების დაბალი ფასების შემდეგ.