შეერთებულმა შტატებმა დაასრულა USAID-ის პროგრამების მიმოხილვა და მათგან 83%-ს აუქმებს.
ამის შესახებ სახელმწიფო მდივანმა მარკო რუბიომ X-ზე დაწერა.
„6-კვირიანი მიმოხილვის შემდეგ, ჩვენ ოფიციალურად ვაუქმებთ USAID-ის პროგრამების 83%-ს. 5 200 კონტრაქტით, რომლებიც ახლა გაუქმებულია, დაიხარჯა ათობით მილიარდი დოლარი ისე, რომ არ შეესაბამებოდა (და ზოგიერთ შემთხვევაში ზიანს აყენებდა) შეერთებული შტატების ძირითად ეროვნულ ინტერესებს“, — განაცხადა რუბიომ.
მისივე თქმით, კონგრესთან კონსულტაციებით იგეგმება დარჩენილი, დაახლოებით 1 000 პროგრამის უფრო ეფექტურად მართვა სახელმწიფო დეპარტამენტის მიერ.
After a 6 week review we are officially cancelling 83% of the programs at USAID.
The 5200 contracts that are now cancelled spent tens of billions of dollars in ways that did not serve, (and in some cases even harmed), the core national interests of the United States.
In…
— Marco Rubio (@marcorubio) March 10, 2025
შეგახსენებთ, რომ აშშ-ის ახალმა პრეზიდენტმა დონალდ ტრამპმა საგარეო დახმარების ყველა პროგრამა 90 დღით შეაჩერა. გადაწყვეტილებები გასაჩივრებულია და დავები მიმდინარეობს სხვადასხვა ინსტანციის სასამართლოებში. მთლიანი საგარეო დახმარება, რომლის ნაწილიც USAID-ია, ფედერალური ბიუჯეტის 1%-ზე ნაკლებს შეადგენს. USAID დაახლოებით 120 ქვეყანაში ახორციელებს ჰუმანიტარულ, განვითარებისა და უსაფრთხოების პროგრამებს.
