ახალგაზრდა იურისტთა ასოციაციის თავმჯდომარის, ნონა ქურდოვანიძის ინფორმაციით, ამ დროისთვის არასამთავრობო ორგანიზაციების ერთიან ცხელ ხაზზე 12 დაკავებულის შესახებ შევიდა ინფორმაცია.

„ადვოკატები მათი ადგილსამყოფლის დადგენას ცდილობენ, არავის დავტოვებთ ადვოკატის დახმარების გარეშე“, — წერს ქურდოვანიძე.

არასამთავრობო ორგანიზაციების ცხელი ხაზის ნომერია: 577070563.

შინაგან საქმეთა სამინისტრო ჯერჯერობით არ ავრცელებს ინფორმაციას დაკავებულების რაოდენობის შესახებ.

პოლიციამ გამთენიისას ძალის გამოყენებით დაშალა თსუ-სთან, ჭავჭავაძის გამზირზე მიმდინარე მშვიდობიანი საპროტესტო აქცია. მანამდე შსს-მ განცხადება გაავრცელა, სადაც აღნიშნული იყო, რომ აპირებდნენ აქციის დაშლას და მომიტინგეებს 15-წუთიან ვადას აძლევდნენ ჭავჭავაძის დასაცლელად.

პოლიცია ძალის გამოყენებით შლის და არბევს ჭავჭავაძესა და მელიქიშვილზე შეკრებილ მომიტინგეებს [ვიდეო]