ევროპული საბჭოს პრეზიდენტი, შარლ მიშელი საქართველოს პრეზიდენტ სალომე ზურაბიშვილთან შეხვედრაზე წერს.
მიშელის თქმით, მათი შეხვედრა „საქართველოსთვის უმნიშვნელოვანეს მომენტში“ შედგა.
„როგორც კანდიდატ ქვეყანას, საქართველოს სჭირდება რეფორმების გაღრმავება – ჩვენი საერთო დემოკრატიული ღირებულებების შესაბამისად.
რეფორმები, კანონის უზენაესობა და დემოკრატიული პრინციპები ევროკავშირისკენ მიმავალი გზის ქვაკუთხედია.
საქართველოს მომავალზე გადაწყვეტილება მხოლოდ საქართველოში და ქართველი ხალხის მიერ შეიძლება იყოს მიღებული“, – წერს მიშელი.
დღეს პრეზიდენტი ზურაბიშვილი მის გარდა ევროკომისიის პრეზიდენტ ურსულა ფონ დერ ლაიენსაც ხვდება.