2011 წლის ბიუჯეტში მთავარ პრიორიტეტებად სოფლის მეურნეობისა და ინფრასტრუქტურის განვითარება და განათლების რეფორმები რჩება. ამის შესახებ საქართველოს ფინანსთა მინისტრმა კახა ბაინდურაშვილმა პარლამენტის საფინანსო-საბიუჯეტო კომიტეტის სხდომაზე ისაუბრა.
ბაინდურაშვილის განცხადებით, 2011 წელს 4-ჯერ გაიზრდება სოფლის მეურნეობის დაფინანსება და ეს თანხა, ძირითადად, პროექტების განხორციელებას მოხმარდება.
მინისტრის თქმით, ბიუჯეტში 2 საგზაო პროექტისთვისაც არის გათვალისწინებული თანხები – ზესტაფონი-სამტრედიის ავტობანისა და ქობულეთი-ბათუმის შემოვლითი გზის მოსაწყობად. ასევე დაგეგმილია ქვეყნის მასშტაბით სასმელი წყლის რეაბილიტაციის პროექტები.
მომავალი წლის ბიუჯეტში განათლების რეფორმისათვის თანხა 16 მილიონით იზრდება.