ნეტგაზეთი | ზესტაფონის საკრებულოს დეპუტატმა დაბა შორაპანში სტალინის ძეგლი დადგა ზესტაფონის საკრებულოს დეპუტატმა დაბა შორაპანში სტალინის ძეგლი დადგა – Netgazeti

ზესტაფონის საკრებულოს დეპუტატმა დაბა შორაპანში სტალინის ძეგლი დადგა

1 ნოემბერს დაბა შორაპანში სტალინის ძეგლი დადგეს. ზესტაფონის მუნიციპალიტეტის გამგებლის ტარიელ თუთარაშვილის ცნობით, იოსებ ჯუღაშვილის მონუმენტი მეორე მსოფლიო ომის მემორიალურ დაფასთან ზესტაფონის მუნიციპალიტეტის შორაპნის მაჟორიტარმა დეპუტატმა კობა გოჩელეიშვილმა აღმართა.

ტარიელ თუთარაშვილის ინფორმაციით, სტალინის ძეგლი დაბა შორაპნის მაცხოვრებლებმა გუშნ გვიან ღამით შეღებეს.

 

როგორც ზესტაფონის მუნიციპალიტეტის გამგებელი აცხადებს, კობა გოჩელეიშვილმა სტალინის ძეგლი ყოველგვარი ნებართვის გარეშე სახელმწიფოს კუთვნილებაში არსებულ ტერიტორიაზე დადგა და გამგეობა ამის შესახებ ინფორმირებული არ ყოფილა. თუთარაშვილის თქმით, იოსებ ჯუღაშვილის შეღებილი მონუმენტის დემონტაჟი მალე დაიწყება.

შეღებილი სტალინის ძეგლი. დაბა შორაპანი, ზესტაფონის მუნიციპალიტეტი. სქრინი: ტელეკომპანია იმედი
შეღებილი სტალინის ძეგლი. დაბა შორაპანი, ზესტაფონის მუნიციპალიტეტი. სქრინი: ტელეკომპანია იმედი

ნეტგაზეთის მასალების სხვა გამოცემებში გადაბეჭდვის წესი
გიორგი დიასამიძე