კობახიძის განცხადებით, ნებისმიერ შემთხვევაში მთავრობა ვალდებულია ქვეყნის და საზოგადოების უსაფრთხოება დაიცვას და უზრუნველვყოს:

”არ დავუშვათ სახელმწიფოს წინააღმდეგ მიმართული, ორგანიზებული დანაშაულის ჩადენა და თუკი ვინმე ამისთვის ემზადება, მათ შორის უცხო ქვეყნის მოქალაქეები, კარგად იცოდნენ, რომ არ გამოუვათ! ბევრისგან განსხვავებით, ჩვენ სამშობლო ერთი გვაქვს და დავიცავთ ბოლომდე, თანამდებობებს და სკამებს კი არა, ჩვენი ქვეყნის უკეთეს და ღირსეულ მომავალს! ამიტომ, წარმატებას ვუსურვებ ჩვენ ძალოვან უწყებებს და იმედი მაქვს, ნებისმიერ კითხვას პასუხი გაეცემა და მხოლოდ კანონის ფარგლებში,” – წერს მანანა კობახიძე.

სახელმწიფო უსაფრთხოების სამსახურის კონტრდაზვერვის მიერ ჩატარებული სამძებრო ღონისძიებებისა და მედიაში გავრცელებული ინფორმაციის საფუძველზე გამოძიება დაიწყო სახელმწიფო ხელისუფლების დასამხობად და მის ხელში ჩასაგდებად შეთქმულების მცდელობის ფაქტზე. ამის შესახებ განცხადება სახელმწიფო უსაფრთხოების სამსახურის უფროსის მოადგილემ ლევან იზორიამ დღეს გააკეთა.