ძველ ბათუმში, სანაპიროსთან ახლოს, სასტუმრო Old Town სახურავზე მდებარე Roof Terrace-ზე სასტუმროს ლიფტით ახვალთ. ღია სივრცე, გამწვანებული ტერასა, ზღვისა და ძველი ბათუმის ხედი და მოხერხებული სავარძლები – ეს ღია ტერასაა. აქ ყველაფერია, რაც თავს კომფორტულად გაგრძნობინებთ წელიწადის ნებისმიერ დროს, მზიან თუ წვიმიან ამინდში.
Roof Terrace-ს დახურული სივრცეც აქვს. ბათუმისთვის დამახასიათებელ, ლურჯ, ცისფერ და თეთრ ფერებში გადაწყვეტილი ინტერიერი იტალიელი და ქართველი დიზაინერების მიერაა შექმნილი. ბევრი სტუმარი სწორედ აქ არჩევს მოკალათებას. ეს ადგილი განსაკუთრებით მიმზიდველია მათთვის, ვისაც წვიმა უყვარს – მინის კედლის მიღმა ბათუმური წვიმის ცქერა ბევრ სტუმარს მოსწონს. შემოდგომასა და ზამთარში დახურული ტერასა საუკეთესო ადგილია გასართობად და დასასვენებლად.
Roof Terrace მრავალფეროვან სამზარეულოს გთავაზობთ, თუმცა მთავარი აქცენტი აქ მაინც იტალიურ და ქართულ სამზარეულოზეა. პიცა, სხვადასხვაგვარად მომზადებული პასტა, სალათები, გერმანული, ჩამოსასხმელი და ბოთლის ლუდი, კოქტეილებისა და ალკოჰოლური სასმელების დიდი არჩევანი, 15 სახეობის ყავა – Roof Terrace-ს სამზარეულო ყველა სტუმრის მოთხოვნას დააკმაყოფილებს.
Roof Terrace დილიდან ღამის ორ საათამდე მუშაობს, შაბათობით კი აქ ცოცხალი მუსიკა შეგიძლიათ მოისმინოთ ჯგუფ Seaside-ის შესრულებით.
ადგილმდებარეობის გარდა Roof Terrace-ს ისიც გამოარჩევს, რომ ეს ადგილი არ არის გათვლილი მხოლოდ ტურისტულ სეზონზე, Roof Terrace-ს წელიწადის ნებისმიერ დროს შეგიძლიათ ეწვიოთ.
Roof Terrace-ს მფლობელი ხატია არძენაძეა, მისი თქმით სასტუმროს ვერანდაზე ლაუნჯის ტიპის კაფეს გახსნის იდეა რამდენიმე თვის წინ გაჩნდა: „გვინდოდა გაგვეკეთებინა ადგილი, სადაც ადამიანმა შეიძლება დაისვენოს ნებისმიერ სეზონზე. ვფიქრობ, ეს გამოგვივიდა.
ჩვენი მთავარი უპირატესობა არის ხედი – აქედან ზღვაც ჩანს და ქალაქის ხედიც, რადგან ძველ ბათუმში ეს ყველაზე მაღალი ადგილია. და ასევე, სამზარეულო, გვყავს უკრაინელი, გამოცდილი მზარეული, რომელიც უგემრიელეს კერძებს ამზადებს.
ჩვენთან ხშირად იხდიან დაბადების დღეებს, თუ დაბადების დღის აღსანიშნავი წვეულება ცოცხალ მუსიკას არ დაემთხვა, გვაქვს კარაოკეც და მხოლოდ ფონური მუსიკა კი არ არის ჩართული, ადამიანები აქ კარგად ერთობიან ” – ამბობს ხატია.
სასტუმრო Old Town
თუ ბათუმში კარგ, მყუდრო სასტუმროს ეძებთ ქალაქის ლამაზი ხედით, კომფორტული ნომრებით, ნოყიერი საუზმითა და ყურადღებიანი პერსონალით, სასტუმრო Old Town-ი თქვენთვის შესაფერისი ადგილია. ძველ ბათუმში, ზღვასთან ახლოს მდებარე სასტუმრო იდეალური ადგილია როგორც ზღვაზე დასვენების მსურველთათვის, ისე ბათუმში საქმიანი ვიზიტით ჩამოსულთათვის. სასტუმროსთან ახლოს მდებარე სანაპირო ზოლი თუ ღამით ლამპიონებით განათებული ბათუმური ვიწრო ქუჩები საუკეთესო ადგილია სასეირნოდ, სასტუმროში დაბრუნებულებს კი კომფორტი, მუდამ ყურადღებიანი პერსონალი და დილით კარგი საუზმე გელოდებათ.
სასტუმროს ყველაზე მიუკერძოებელი შემფასებელი სტუმარია. Booking.com-ზე, სადაც მსოფლიოს სხვადასხვა ქვეყანაში მდებარე სასტუმროების დაჯავშნა და შეფასებაა შესაძლებელი, სასტუმრო Old Town-ს 125 შეფასება აქვს, აქედან უმეტესობა დადებითი გამოხმაურებაა. ვნახოთ, როგორ ახასიათებენ სასტუმრო Old Town-ს უცხოელი სტუმრები:
კატერინა, პოლონეთი: „ძალიან კარგი პერსონალია, გირჩევთ ამ სასტუმროს.”
სერჟი, უკრაინა: „ძალიან მეგობრული სიტუაციაა, აქ გაჩერება ძალიან სასიამოვნო იყო!”
ნიკოლასი, აშშ: „ჩვენ გვქონდა ოთახი შესანიშნავი ხედით ქალაქზე. აქ კარგი საუზმეა და ყურადღებიანი პერსონალი.“
დარია, ესპანეთი: „სასტუმრო კეთილმოწყობილია, WiFi ძალიან კარგად მუშაობს და არის დიდი ქართული საუზმე!”
ლეივირი, ისლანდია: „სასტუმრო რეალურად უფრო კარგად გამოიყურება ვიდრე ფოტოებზე. სასტუმრო ნომერი დიდია, საუზმე გემრიელია და ბევრი”.
მოკლედ, თუ ბათუმში სასტუმრო გჭირდებათ, უკვე იცით, რომ ეს მისამართი უნდა დაიმახსოვროთ: გორგასლის #1.
გახსოვდეთ, სასტუმრო Old Town -ში თქვენ ყოველთვის სასურველი სტუმარი ხართ!
ტელეფონი: 577 45 84 71; 04 22 22 49 59
