შინაგან საქმეთა სამინისტროს კონსტიტუციური უსაფრთხოების დეპარტამენტის თანამშრომლებმა ონის საკრებულოს წევრი, ამირან სხიერელი დააკავეს. სხიერელი მეწარმისგან 70 000 ამერიკული დოლარის გამოძალვაშია ეჭვმიტანილი.
შსს-ს ოფიციალურ ვებ-გვერდზე გავრცელებული ინფორმაციით, ონის საკრებულოს წევრმა მეწარმეს თანხა ონის რაიონში არსებული საბადოდან წიაღისეულით სარგებლობის ლიცენზიის მოპოვებაში გამოართვა.
ასევე შსს ავრცელებს ფარულ ვიდეო ჩანაწერს, რომელზეც თანხასთან დაკავშირებული გარიგებაა ასახული.
დანაშაული ითვალისწინებს 9 წლამდე თავისუფლების აღკვეთას. სისხლის სამართლის საქმეს კონსტიტუციური უსაფრთხოების დეპარტამენტი იძიებს.
