ლიეტუველი ევროპარლამენტარი, Renew Europe Group-ის წევრ პეტრას აუსტრევიჩიუსი ეხმაურება „ქართული ოცნების“ გადაწყვეტილებას ე.წ. რუსული კანონის დაბრუნების შესახებ.
„როგორც ჩანს, საქართველოს მმართველი პარტია ევრო-აზიური ტირანიისკენ მიისწრაფვის. ევროკავშირსა და ამ უკანასკნელს შორის კომპრომისი არ არსებობს, რადგან დემოკრატიული კრიტერიუმები მოლაპარაკებების საგანი არ არის“, — წერს ევროპარლამენტარი X-ზე.
Looks like the ruling party of Georgia is turning towards the Euro Asian tyranny. There is no compromise between EU and the later one as democratic criteria is not for negotiation. https://t.co/YOVG5D3VZy
— Petras Austrevicius (@petras_petras) April 3, 2024
„ქართულმა ოცნებამ“ მიცემული პირობა ისევ დაარღვია და ე.წ. რუსულ კანონის ჩაგდებიდან 1 წლის შემდეგ კანონპროექტს ისევ აბრუნებს.
ამის შესახებ საპარლამენტო უმრავლესობის ლიდერმა და „ქართული ოცნების“ აღმასრულებელმა მდივანმა მამუკა მდინარაძემ, დღეს, 3 აპრილს, განაცხადა.
მდინარაძის თქმით, აღნიშნული გადაწყვეტილება 2 აპრილს გამართულ უმრავლესობის სხდომაზე მიიღეს. მისი თქმით, უმრავლესობის სხდომას არ დასწრებია, თუმცა „რუსული კანონის“ დაბრუნებას მხარს უჭერს „ქართული ოცნების“ დამფუძნებელი და საპატიო თავმჯდომარე ბიძინა ივანიშვილიც.
