ირაკლი კობახიძის მინისტრთა კაბინეტში ვიცე-პრემიერების პოსტებს კულტურის მინისტრი თეა წულუკიანი და თავდაცვის მინისტრი ირაკლი ჩიქოვანი დაიკავებენ.
ვიცე-პრემიერები ირაკლი კობახიძემ მისი მთავრობის პირველ სხდომაზე დღეს, 12 თებერვალს დაასახელა.
წულუკიანს ვიცე-პრემიერის პოსტი ეკავა ირაკლი ღარიბაშვილის მთავრობაშიც.
რაც შეეხება პირველ ვიცე-პრემიერს, ამ პოსტს ლევან დავითაშვილი შეინარჩუნებს.
ირაკლი კობახიძემ ასევე ოფიციალურად წარადგინა მთავრობის ადმინისტრაციის სტრატეგიული კომუნიკაციების დეპარტამენტის ახალი ხელმძღვანელი. მიშა ფეიქრიშვილი ამ პოსტზე ნინო გიორგობიანს შეცვლის.
დავითაშვილი ვიცე-პრემიერის პოსტს კობახიძის კაბინეტშიც შეინარჩუნებს
