საქართველო 2023 წელს რუსეთში ღვინის ექსპორტით მეორე პოზიციაზეა, უთხრა რუსულ სამთავრობო მედია „ტასს“-ს ევგენი შჩერბაკოვმა, კომპანია „ლუდინგ გრუპის“ ღვინის მიმართულების ხელმძღვანელმა.
მისი განცხადებით, პირველ ადგილზე რუსეთში ღვინის ექსპორტით იტალიაა, მესამეზე კი, ესპანეთი.
შჩერბაკოვმა აღნიშნა, რომ 2023 წელს საქართველომ რუსეთში 2022 წელთან შედარებით 11,9%-ით მეტი ღვინო გაიტანა, მაშინ, როცა იტალიიდან და ესპანეთიდან ექსპორტი შემცირდა.
„აღვნიშნავთ, რომ მთლიანობაში, [2023-ის] მესამე კვარტლიდან მიდის [ექსპორტის] ყველაზე ინტენსიური ზრდა მეგობრული ქვეყნებიდან“, – ამბობს იგი.
