ახალი ამბებიკინოხელოვნება

„შაშვი შაშვი მაყვალი” შვეიცარიის კინოდაჯილდოების ნომინანტია

24 იანვარი, 2024 •
„შაშვი შაშვი მაყვალი” შვეიცარიის კინოდაჯილდოების ნომინანტია

ელენე ნავერიანის „შაშვი შაშვი მაყვალი” მოხვდა შვეიცარიის კინოდაჯილდოების მოკლე სიაში. ფილმი ჯილდოს მოსაპოვებლად იბრძოლებს საუკეთესო მხატვრული ფილმის, ხმის, სცენარისა და მონტაჟის ნომინაციებში.

შვეიცარიის კინოდაჯილდოება ყოველწლიურად ტარდება და მასში მონაწილეობას იღებენ ფილმები, რომლებიც შეიქმნა შვეიცარიაში ან შვეიცარიის თანადაფინანსებით.  სწორედ ამ უკანასკნელი ნიშნით მოხვდა ელენე ნავერიანის ფილმი კონკურსში.

დაჯილდოების ცერემონია გაიმართება 22 მარტს, ციურიხში.

„შაშვი შაშვი მაყვალი” ელენე ნავერიანის მესამე სრულმეტრაჟიანია ფილმია, რომლის პრემიერაც გაიმართა წლევანდელ კანის კინოფესტივალზე დამოუკიდებელ სექციაში – „Quinzaine des cinéastes“.
სარაევოს ფესტივალზე ფილმმა მოიპოვა მთავარი პრიზი, ეკა ჩავლეიშვილი კი დასახელდა საუკეთესო მსახიობ ქალად.
ბელფასტის 23-ე საერთაშორისო კინოფესტივალზე ეკა ჩავლეიშვილს გადაეცა პრიზი  „საუკეთესო  შესრულებისთვის”, მსახიობი ასევე ნომინირებული იყო  ევროპული კინოაკადემიის ჯილდოზეც. ფილმმა მოიპოვა პრიზები კოტბუსისა და ხიხონის კინოფესტივალებზეც.

 

მასალების გადაბეჭდვის წესი