უკრაინის პრეზიდენტი ვოლოდიმირ ზელენსკი აცხადებს, რომ გენერალური შტაბის ხელმძღვანელ, გენერალ ვალერი ზალუჟნისთან “სამუშაო ურთიერთობა” აქვს.
19 დეკემბერს საერთაშორისო მედიისთვის გამართულ პრესკონფერენციაზე ზელენსკიმ უპასუხა კითხვას, არსებობს თუ არა კონფლიქტი მასსა და ვალერი ზალუჟნის შორის. ეს საკითხი აქტუალური ზალუჟნის საგაზეთი სტატიის შემდეგ გახდა, სადაც გენერალი ომის გართულებულ მიმდინარეობაზე საუბრობდა და აცხადებდა, რომ ფრონტზე ვითარება ჩიხშია შესული. ზელენსკი მაშინ გენერალს არ დაეთანხმა.
“ის [ზალუჟნი] გენშტაბთან ერთად უნდა იყოს პასუხისმგებელი იმაზე, რაც ფრონტზე ხდება”, – განაცხადა ზელენსკიმ და დასძინა, რომ აპირებს ზალუჟნისთან მუშაობის გაგრძელებას.
“შეტევა კომპლექსური საკითხია. ზოგიერთი რამ იყო ადგილზე, ზოგიერთი არა, რაღაც აკლდა…ჩვენ გვჭირდება სოლიდური ნაბიჯები და შედეგები. ყოველდღიურად, ყელა პოზიციაზე.მე ვაპირებ მათთან მუშაობას და ველოდები მათ გადაწყვეტილებებს [მობილიზაციაზე და ა.შ.] სტრატეგია ნათელია, მინდა ვნახო დეტალებიც. ვფიქრობ, ეს სამართლიანია”, – განაცხადა ზელენსკიმ.
ამ თემაზე
ზალუჟნი ხსნის, რა სჭირდება უკრაინას გამარჯვებისთვის ომის ახალ ეტაპზე
