ფინანსთა სამინისტროს საგამოძიებო სამსახურმა ჯგუფურად კომერციული მოსყიდვის ფაქტზე ორი პირის მიმართ სისხლისსამართლებრივი დევნა დაიწყო.
გამოძიების თანახმად, ბრალდებულები, რომლებიც მუშაობდნენ კახეთის რეგიონში მდებარე ერთ-ერთ კერძო სამედიცინო დაწესებულებაში, პირადი მატერიალური გამორჩენის მიღების მიზნით, შესაბამისი ფულადი თანხის სანაცვლოდ, სათანადო სამედიცინო შემოწმებისა და ლაბორატორიული კვლევის გარეშე, დაინტერესებულ პირებზე გასცემდნენ ფსიქოტროპული მედიკამენტების შესაძენ რეცეპტებს.