აშშ-ის საერთაშორისო რესპუბლიკური ინსტიტუტის [IRI] კვლევის თანახმად, ყველაზე პოზიტიურად [77%] გამოკითხულები საქართველოს ჯარს უყურებენ. 16% ჯარის მიმართ ნეგატიურადაა განწყობილი.
მეორე ადგილზე საპატრიარქოა – 71%-ით. ნეგატიურად საპატრიარქოს მიმართ განწყობილია 21%. ორივე ინსტიტუტის რეიტინგის ცვლილება, მარტის კვლევასთან შედარებით, ცდომილების ზღვარშია.
რაც შეეხება სხვა ინსტიტუტებს, დადებითად მათ უყურებს გამოკითხულთა შემდეგი წილი [ფრჩხილებში მოცემულია მათი წილი, ვინც ამავე ინსტიტუტებს ნეგატიურად უყურებს]:
- პოლიცია – 67% [28%]
- ადგილობრივი ხელისუფლება – 61% [34%]
- განათლების სიტემა – 59% [36%]
- მედია – 58% [35%]
- პრემიერის აპარატი – 49% [41%]
- ცესკო – 41% [44%]
- პრეზიდენტის აპარატი – 41% [47%]
- მთავარი პროკურორის აპარატი – 40% [35%]
- სასამართლო სისტემა – 40% [44%]
- ეროვნული ბანკი – 39 [43%]
- პარლამენტი – 38 [56%]
- პოლიტიკური პარტიები – 37 [52%]
- პროფკავშირები – 31% [27%]
კვლევა ჩატარებულია საერთაშორისო რესპუბლიკური ინსტიტუტის დაკვეთით. საველე სამუშაოები ჩაატარა გამოკითხვისა და მარკეტინგის ინსტიტუტმა [Institute of Polling & Marketing]. გამოკითხვა ჩატარდა პირისპირ ინტერვიუთი.
კვლევაში მონაწილეობა მიიღო საქართველოს 18 წელზე უფროსმა 1200-მა მუდმივმა მცხოვრებელმა. კვლევა წარმომადგენლობითია. კვლევაში არ მიუღიათ მონაწილეობა ოკუპირებული აფხაზეთისა და სამხრეთ ოსეთის მკვიდრებს. გამოხმაურების მაჩვენებელმა შეადგინა 73%. ცდომილების ზღვარი შეადგენს -+2,5%-ს. კვლევა დაფინანსებულია USAID-ის მიერ.