„ჰამასის“ კონტროლირებადი ღაზის ჯანდაცვის სამინისტროს განცხადებით, ისრაელმა სექტორის ცენტრალურ ნაწილში ალ-მაღაზის ლტოლვილთა ბანაკი დაბომბა.
სამინისტროს განცხადებით, დაბომბვის შედეგად დაიღუპა 30 ადამიანზე მეტი.
ისრაელის თავდაცვის ძალების პრესსამსახურში სააგენტო AFP-ს, რომ იკვლევენ, მოქმედებთა თუ არა ისრაელის არმია ამ ტერიტორიაზე მომხდარის დროს.
საერთაშორისო მედიასაშუალებები, „ბი-ბი-სი“ და „ალ-ჯაზირა“ აღნიშნავენ, რომ დამოუკიდებლად არ შეუძლიათ დაადასტურონ გარდაცვლილთა რაოდენობა.
„ჰამასმა“ 7 ოქტომბრის შეტევისას განურჩევლად დახოცა 1400-მდე ადამიანი, ძირითადად, მშვიდობიანი მოქალაქეები, 230-მდე კი გაიტაცა. მოკლულთა და გატაცებულთა შორის არიან ბავშვები, ქალები, მოხუცები და შშმ პირები.
ისრაელმა საპასუხოდ „ჰამასს“ ომი გამოუცხადა, ღაზის სექტორი სრულ ბლოკადაში მოაქცია, – მათ შორის შეუწყვიტა წყალმომარაგება, – და მისი განუწყვეტელი დაბომბვა დაიწყო, მიზნად კი „ჰამასის“ განადგურება დაისახა. შედეგად, „ჰამასს“ დაქვემდებარებული ღაზის ჯანდაცვის სამინისტროს ცნობით, დაიღუპა თითქმის 8800 ადამიანი, მათ შორის, 3 ათასზე მეტი ბავშვია.
