26-27 ოქტომბერს თბილისში „აბრეშუმის გზის ფორუმი“ გაიმართება, რომელსაც საქართველოს, აზერბაიჯანისა და სომხეთის პრემიერ-მინისტრები და აზიის განვითარების ბანკის ვიცე-პრეზიდენტი გახსნიან.
ფორუმში მონაწილეობას მიიღებს 2 000-მდე დელეგატი მსოფლიოს 60-ზე მეტი ქვეყნიდან, ასევე, საერთაშორისო ფინანსური ინსტიტუტებისა და ბიზნესის წარმომადგენლები.
ფორუმის მონაწილეებს გახსნითი სიტყვით მიმართავენ საქართველოს პრემიერ-მინისტრი ირაკლი ღარიბაშვილი, პრემიერ-მინისტრი ნიკოლ ფაშინიანი, აზერბაიჯანის პრემიერ-მინისტრი ალი ასადოვი და აზიის განვითარების ბანკის ვიცე-პრეზიდენტი რობერტა კასალი. გახსნით ღონისძიებას და მთავარ პანელს, სახელწოდებით „შუა დერეფნის როლის გაზრდა“, მოდერატორობას გაუწვეს ლიბანური წარმოშობის ბრიტანელი ტელე-ჟურნალისტი ღიდა ფაქრი.
ფორუმის ფარგლებში დაგეგმილია თემატური სესიები ვაჭრობის, ტრანსპორტის, ენერგეტიკის, ტურიზმის, ციფრული და ფინანსური ტექნოლოგიების, საქართველოს საინვესტიციო შესაძლებლობების შესახებ, ასევე შედგება ორმხრივი ბიზნესშეხვედრები.
აბრეშუმის გზის ფორუმი საქართველოში მეოთხედ იმართება.