კაიროს სამშვიდობო სამიტზე, ევროპული საბჭოს პრეზიდენტი, შარლ მიშელი პალესტინის პრეზიდენტს, მაჰმდ აბასს შეხვდა.

“არ არსებობს ალტერნატივა გარდა მშვიდობისა, რომელიც, ორ ქვეყანას შორის ურთიერთობებს გადაწყვეტს. ევროკავშირი გააგრძელებს საკუთარი წვლილის შეტანას ამაში”, – განაცხადა მიშელმა აბასთან შეხვედრის შემდეგ.

შარლ მიშელის თქმით, ახლო აღმოსავლეთში განვითრებული მოვლენები გაერთიანებულ ძალისხმევას მოითხოვს. მისივე თქმით, რეგიონში მოვლენების ესკალაციის თავიდან ასაცილებლად, მნიშვნელოვანია ყველა ჩართულ მხარესთან პარტნიორობა.

It is our duty to work together to avoid regional escalation, contain the conflict, and put an end to the cycle of violence.

We need to make every effort to move towards a lasting solution based on the two-state solution. @JosepBorrellF @MargSchinas #CairoSummitForPeace pic.twitter.com/2Nf83DMii5

— Charles Michel (@CharlesMichel) October 21, 2023

კაიროში სამშვიდობო სამიტი მიმდინარეობს. ეგვიპტის პრეზიდენტის, აბდულ-ფათაჰ ალ-სისიმის ინიციატივით გამართულ ღონისძიებაში მონაწილეობას იღებს როგორ დასავლეთის, ისე 10-ზე მეტი არაბული ქვეყნის ლიდერები. სამიტის მიზანია რეგიონის უსაფრთხოებაზე მსჯელობა, რაც, პირველ რიგში, პალესტინის საკითხის გადაწყვეტას გულისხმობს.

შარლ მიშელის გარდამ სამიტზე ევროკავსირს წარმოადგენს საგარეო საქმეთა და უსაფრთხოების პოლიტიკის საკითხებში მისი უმაღლესი წარმომადგენელი, ჟოზეფ ბორელი. სამიტში მონაწილეობას არ იღებენ აშშ-ს, ისრაელისა და ირანის ლიდერები.