დღეს, 30 ივლისს, გომისმთის გზაზე მიკროავტობუსი გადაყირავდა. შემთხვევის ადგილზე გარდაიცვალა 1 მგზავრი, რამდენიმე კი დაშავდა.
თვითმხილველის თქმით, მიკროავტობუსით უცხოელი ტურისტები გადაადგილდებოდნენ, დაღუპული მგზავრი კი გიდი იყო და საქართველოს მოქალაქეა.
თვითმხილველის თქმით, დაშავებულებს შორის არიან ტურისტები.
უკვე ადგილზეა სასწრაფო-სამედიცინო სამსახური, მუშაობენ სამართალდამცველებიც.
კურორტ გომისმთაზე ამ დრომდე გრძელდება საავტომობილო გზის სარეაბილიტაციო სამუშაოები. რეაბილიტაციის დასრულების დრო რამდენჯერმე გადავადდა.
გომისმთაზე ასვლა ოზურგეთიდან მხოლოდ შაბათ-კვირასაა შესაძლებელი.
