რუსეთის მიერ ანექსირებული ყირიმის კიროვსკის რაიონში მდებარე სამხედრო პოლიგონზე დილიდან აფეთქებებია, რის გამოც 4 სოფლიდან მოსახლეობის ევაკუაცია მიმდინარეობს.
ყირიმელი თათრების ერთ-ერთი ლიდერის, რეფატ ჩუბაროვის განცხადებით, ოთხი სოფლიდან (კრინიჩკი, აივაზოვსკოე, აბრიკოსოვკა და პრივეტნოე) დაახლოებით 2 225 ადამიანი სასწრაფოდ იქნა ევაკუირებული „უზარმაზარ საბრძოლო საცავში აფეთქებების გამო“.
საოკუპაციო ხელისუფლება აცხადებს, რომ ევაკუაცია პოლიგონზე ხანძრის გამო მიმდინარეობს და 2 დღეზე მეტხანს არ გასტანს.
ყირიმის საოკუპაციო რეჟიმის ხელმძღვანელმა სერგეი აქსიონოვმა განაცხადა, რომ საწვრთნელ მოედანზე ხანძრის გამო ტავრიდის გზატკეცილი გადაკეტილია.