2023 წლის პირველი სექტემბრიდან რუსეთის უშიშროების ფედერალური სამსახური [ფსბ] შეძლებს, ტაქსის სერვისების, მათ შორის „იანდექსის“, საინფორმაციო ბაზებზე წვდომა მიიღოს. შესაბამის განკარგულებას ხელი მოაწერა რუსეთის პრემიერმა მიხაილ მიშუსტინმა.

ამგვარად, ტაქსის სერვისები ვალდებულნი იქნებიან, ფსბ-ს 24/7-ზე მიაწოდონ უწყებისთვის საინტერესო ინფორმაცია.

2022 წლის დეკემბერში პრეზიდენტმა ვლადიმერ პუტინმა ხელი მოაწერა კანონს, რომლითაც ტაქსის სერვისები და მძღოლები ვალდებულები არიან, ექვსი თვის განმავლობაში შეინახონ მონაცემები მგზავრობებზე და მოთხოვნისამებრ, ინფორმაცია სამართალდამცავ უწყებებს გადასცენ.

რუსეთისა და საქართველოს გარდა, “იანდექს ტაქსი” არაერთ პოსტსაბჭოთა ქვეყანაში ოპერირებს.

• “იანდექს ტაქსიმ” აღიარა, რომ კლიენტის მონაცემებს რუსეთის ხელისუფლებას აწვდის
• “იანდექს ტაქსი” – არცთუ უსაფრთხო მგზავრობა?!