შინაგან საქმეთა სამინისტრომ საგარეჯოში მომხდარ ძალადობაზე გამოძიება სისხლის სამართლის კოდექსის 126-ე მუხლის პირველი ნაწილის „ბ“ ქვეპუნქტით [ჯგუფური ძალადობა] დაიწყო.
როგორც „ნეტგაზეთი“ წერდა, საგარეჯოში, მოსახლეობასთან შესახვედრად ჩასულ „ნაციონალური მოძრაობის“ წევრებს აგრესიულად განწყობილი პირები დახვდნენ. ასევე, პარტიის თავმჯდომარის, ლევან ხაბეიშვილის ცნობით, ქვა მოარტყეს თავში პარტიის ერთ-ერთ წევრს.
„ნაცმოძრაობაში“ მიიჩნევენ, რომ თავდასხმა ორგანიზებულია ხელისუფლების მიერ.
