მსვლელობის მონაწილეები: პოლიცია თავისუფლებაზე არ გვიშვებდა ევროკავშირის დროშების გამო

დღეს, 26 მაისს თბილისში მსვლელობა საქართველო ირჩევს ევროპას  გაიმართა. მსვლელობას პარლამენტთან პოლიციის კორდონი დახვდა. მსვლელობის მონაწილეები ამბობენ, რომ პოლიცია მათ ევროკავშირის დროშის გამო თავისუფლების მოედნისკენ არ უშვებდა.

საბოლოოდ, აქტივისტთა ნაწილმა დროშები დაკეცა და რუსთაველის გამზირის პარალელური ქუჩები გავიდა თავისუფლების მოედნისკენ, სადაც მათ ხელახლა გაშალეს დროშები.

დღეს 26 მაისს დამოუკიდების დღისადმი მიძღვნილი ოფიციალური ცერემონიის პარალელურად მსვლელობა გაიმართა. მსვლელობის მონაწილეებს თან ევროკავშირის დროშები ეკავათ.

საქმე ის არის, რომ წელს, შარშანდლისგან განსხვავებით, პარლამენტის შენობა ევროკავშირის დროშით არ მორთეს. ევროკავშირის სიმბოლიკა არ ფიგურირებდა ასევე თბილისის ქუჩების საზეიმო დეკორაციებში. სწორედ ამას გამოეხმაურა მსვლელობა.

დღევანდელი დღიდან წაიკითხეთ ასევე:

• პოლიციამ პარლამენტთან ერთი მოქალაქე დააკავა
• შეურაცხმყოფელია, როდესაც ვითვლით, რამდენ მილიონს მოგვიტანს ფრენების აღდგენა – პრეზიდენტი;
• თავდაცვის მინისტრის კომენტარი ჟურნალისტებისთვის ჟურნალისტების გარეშე;
• პრეზიდენტის ანტირუსული სიტყვა დამოუკიდებლობის დღეს;