ხონში ძაღლს, რომელმაც ორი ბავშვი დაკბინა ცოფი დაუდასტურდა. ინფორმაცია ამის შესახებ „ნეტგაზეთს“ ხონის საზოგადოებრივი ჯანდაცვის ცენტრში დაუდასტურეს.
როგორც ცენტრში აცხადებენ, არსებული ინფორმაციით, ძაღლმა ხონის მუნიციპალიტეტში ორი ბავშვი დაკბინა, კიდევ 2 ადამიანი კი ცხოველთან ახლო კონტაქტში იყო. ხონის საზოგადოებრივი ჯანდაცვის ცენტრის ინფორმაციით, ამჟამად მიმდინარეობს ეპიდკვლევა.
ხონში დადასტურებული ცოფის ფაქტი ქვეყნის მასშტაბით მიმდინარე წელს ვირუსის გავრცელების პირველი შემთხვევა არაა. ცოფის 3 შემთხვევა მანამდე ამბროლაურში, შემდეგ კი მარტვილში გამოვლინდა.
