დღეს, 9 მაისს, ევროპული საბჭოს პრეზიდენტი შარლ მიშელი საქართველოს მიმართავს. ამის შესახებ ინფორმაციას საქართველოს პრეზიდენტის ადმინისტრაცია ავრცელებს
როგორც ცნობილია, დღეს, 21:00 საათზე, ათონელის ქუჩაზე, პრეზიდენტის ინიციატივით, ევროპის დღესთან დაკავშირებით გაიმართება კონცერტი „ევროპისათვის“. შარლ მიშელის ვიდეო-მიმართვაც სწორედ ამ დროს იგეგმება.
პრეზიდენტის ადმინისტრაციის ცნობით, დღესვე მოსახლეობას მიმართავს საქართველოს პრეზიდენტი სალომე ზურაბიშვილი.
