ცხოველთა მონიტორინგის სააგენტოს განცხადებით, მოქალაქეებს შინაური ცხოველების სტერილიზაცია-კასტრაცია ერთი თვის განმავლობაში თბილისში უფასოდ შეეძლებათ. ამის შესახებ სააგენტოს დირექტორმა, გიორგი კობიაშვილმა დღეს, 7 მაისს ისაუბრა.
მისი თქმით, ცხოველების სტერილიზაცია-კასტრაციის ჩატარება უფასოა, თუმცა მოქალაქეებს მოუწევთ რეგისტრაციის თანხის გადახდა, რაც 19 ლარს შეადგენს. კობიაშვილის ინფორმაციით, ამისთვის მეპატრონეებმა ცხოველები მუნიციპალურ თავშესაფარში უნდა მიიყვანონ, რომელიც ვარკეთილში, თვალჭრელიძის #45-ში მდებარეობს.
ცხოველების უფასო სტერილიზაცია-კასტრაცია სააგენტოს კამპანიის ნაწილია, რომელიც საწყის ეტაპზე საცდელად ერთ თვეს გასტანს და რომლის მიზანიც ცხოველების რეგისტრაციისა და სტერილიზაცია-კასტრაციის წახალისებაა.
