2022 წელთან შედარებით, ყოფილი პრემიერ-მინისტრის, ბიძინა ივანიშვილის ქონება 100 მილიონი დოლარით გაიზარდა და 4,9 მილიარდი დოლარი შეადგინა. ასეთია „ფორბსის“ შეფასება 5 აპრილის მდგომარეობით.
„ფორბსის“ შეფასებით, ბოლო 10 წელიწადში ივანიშვილის ქონების შეფასება 5 მილიარდის ფარგლებში მერყეობს. ამ ეტაპზე ივანიშვილი მსოფლიოში 545-ე უმდიდრესი ადამიანია.
გამოცემა აგრეთვე ახსენებს ივანიშვილის დავას შვეიცარიულ ბანკ „კრედიტ სუისთან“ – მილიარდერი ბანკს ჯერ მისი თანხების გაფლანგვას, შემდეგ კი კუთვნილი ფულის არგადარიცხვას ედავება.
2021 წლის ინტერვიუში ივანიშვილმა პირობა დადო, რომ ქველმოქმედებას მილიარდ-ნახევარს მოახმარს, ხოლო პირადი მოხმარებისთვის 200 მილიონ დოლარს დაიტოვებს.
