ახალი ამბები

შემოიტანეთ აქონდროპლაზიის წამალი, რომელსაც ელოდებიან ჩვენი შვილები – პეტიცია

12 მარტი, 2023 • 2907
შემოიტანეთ აქონდროპლაზიის წამალი, რომელსაც ელოდებიან ჩვენი შვილები – პეტიცია

აქონდროპლაზიის მქონე ბავშვთა მშობლები ქვეყანაში აუცილებელი წამლის შემოტანის მოთხოვნის ხელმოწერებს აგროვებენ.

პეტიციით, რომელსაც 2 ათასამდე ადამიანი ხელს აწერს, ავტორები მიმართავენ ყველას შეუერთდნენ მათ ბრძოლას და წამალი ერთად მოითხოვონ.

„საქართველოს ექიმებო, ჯანდაცვის სამართლიანო ხელმძღვანელებო, გულითადო ადამიანებო, გვიშველეთ, მოგვეხმარეთ, გვიშუამდგომლეთ, მიაღებინეთ პოლიტიკური გადაწყვეტილება ჩვენს მთავრობას!!

მოსთხოვეთ რომ შემოიტანონ აქონდროპლაზიის სამკურნალო მედიკამენტი ვოზორიტიდი-მედიკამენტი, რომელსაც 10 წელია ელოდებოდა მსოფლიო და რომელიც ამჟამად სამკურნალოდ ოფიციალურად წარმატებით გამოიყენება იმ ქვეყნებში, სადაც მედიცინის დონე გაცილებით მაღალია, ვიდრე საქართველოში!
მედიკამენტი, რომელსაც მინიჭებული აქვს FDA და EMA-ს ოფიციალური ლიცენზიები, რომელიც არის ერთადერთი და უალტერნატივო ეფექტური მედიკამენტი მსოფლიოში!!!!

ბავშვები ყოველ დღე ელოდებიან ამ წამალს. ისინი ხომ ისეთივე უმანკო არსებები არიან, როგორიც მათი თანატოლები მსოფლიოს მრავალ ქვეყანაში, სადაც მთავრობები ზრუნავენ ამ ბავშვების ჯანმრთელობაზე!!!! ნუ გაწირავთ ბავშვებს!!!! დრონი მეფობენ და არა მეფენი! ეს ბავშვები სულ მალე თავად გეტყვიან სათქმელს იმავე პარლამენტის ტრიბუნიდან, სადაც ამჟამად თქვენ იმყოფებით ძვირფასო პარლამენტარებო!
ველოდებით პოლიტიკურ გადაწყვეტილებას!!!!!

ვაგროვებთ ხელმოწერებს!!,“ – წერია განცხადებაში.


აქონდროპლაზიის დიაგნოზის მქონე ბავშვები დღეს ვერ იღებენ სასიცოცხლოდ მნიშვნელოვან პრეპარატს. წამალი, რომელიც საერთაშორისოდ აღიარებულია, საქართველოში არ შემოდის. მაგრამ რომც შემოდიოდეს, სიძვირის გამო აქაური მშობელი, უბრალოდ, ვერ იყიდის.

წამლის გარეშე ბავშვების ცხოვრება რთულია – მათ უწევთ ქრონიკული, ზოგჯერ მტანჯველი ტკივილის ატანა. ამასთანავე, რაკი აქონდროპლაზია გენეტიკური დაავადებაა, ბავშვების სხეულები ასიმეტრიულად ვითარდება.

აქონდროპლაზია იშვიათი დაავადება, რომელიც დაახლოებით 25 ათასიდან ერთ შემთხვევაში ვლინდება.

ვრცლად წაიკითხეთ:

მასალების გადაბეჭდვის წესი