ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

„რუსთავი 2-ის“ აღმასრულებელი პროდიუსერი გიორგი ხაბურზანია ფეისბუკის პირად გვერდზე მწვავედ აკრიტიკებს პოლიტიკურ ელიტას, რომელსაც სურს საქართველოს დასავლეთისგან იზოლირება.

„გაზულუქებული ისტებლიშმენტი, რომელიც ევროპის მაღალი კლასის კურორტებზე ისვენებს, რომელიც შვილებს ამერიკაში, ლონდონში და პარიზში აგზავნის სასწავლად, რომელიც არა მარტო სამედიცინო, არამედ ბიუთი პროცედურებსაც მხოლოდ ევროპაში იტარებს, აცვია ევროპული, უკეთია შვეიცარული საათები, ატარებს ევროპულ მანქანებს ან ინგლისურს და ამ ისტაბლიშმენტიდან ბევრს თვითონ აქვს ან ევრპული მოქალაქეობა, ან ამერიკული პასპორტი.

აი, სწორედ, ეს ხალხი, ვინაიდან მიუხედავად ამ ყველაფრისა, ინგლისური და მეილების პასუხი არ იციან. არ იციან დანა-ჩანგლით სწორად ჭამა, არიან გოიმები და ამიტომ ვერ ინტეგრირდნენ ევროპელებთან, ვერ ახდენენ ეფექტურ კომუნიკაციას საქართველოს დასავლელ სტრატეგოულ პარტნიორებთან. ახალი რუსებივით არიან იზოლირებული და დასაცინები. რა წამს საქართველოს საზღვრებს გარეთ გადიან, არცერთი ევროპელი მეგობარი ან ნაცნობიც კი არ ჰყავთ და ევროპაშიც რუსებს პოულობენ ან სხვა ჰომო-სოვეტიკუსებს.

აი, ზუსტად ეს ხალხი, დღეს, დანარჩენ 99%-ზე მეტ საქართველოს გვიკრძალავს დასავლელ პარტნიორებთან კომუნიკაციას, თავისუფალ ურთოერთობას და ამით ისეთივე ყუმ იზოლაციაში უნდათ მოაქციონ საქართველო, როგორშიც თვითონ არიან მთელი თავისი გაუნათლებელი ცხოვრება“, — წერს გიორგი ხაბურძანია, რომელიც წლების განმავლობაში ქართულ ტელევიზიებში არაერთი მეგაპროექტი გაუკეთებია, მათ შორის, ნიჭიერი, პრაიმჰაუსი, მასტერშეფი და ა.შ.

უკვე ერთ კვირაზე მეტია, საქართველოში არაერთი საზოგადოებრივი ჯგუფი ეწინააღმდეგება საპარლამენტო უმრავლესობის რუსულ კანონპროექტებს, რომელთა მიზანი ქვეყანაში დასავლური დაფინანსების მქონე ორგანიზაციების დისკრედიტაცია და შეზღუდვაა.

მიუხედავად საზოგადოების პროტესტისა, პარლამენტმა აღნიშული კანონპროექტები პირველი მოსმენით მიიღო და უკვე საკომიტეტო მოსმენებიც დაიწყო, რომელზე დასწრების საშუალებას არ აძლევენ იმ ადამიანთა დიდ ნაწილს, რომლებსაც ეს კანონპროექტი ეხებათ.

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.