„სამართლიანი არჩევნების“ ხუთი საჩივარი

აჭარის ხუთ ოლქში “სამართლიან არჩევნებს”, არჩევნების დამთავრების დროისთვის, სულ ხუთი საჩივარი აქვს დაწერილი

ბათუმში, 79 ოლქში, ,,სამართლიანი არჩევნების,, დამკვირვებლებმა ორი საჩივარი დაწერეს 81-ე სპეცუბანზე, მათგან ერთი ეხებოდა წილისყრით ფუნქციების განაწილებას, ანუ ერთ-ერთი პიროვნების ფუნქცია წინასწარ იყო დანიშნული. შესაბამისად, წილისყრა განმეორებით ჩატარდა.

მეორე საჩივარი უკავშირდებოდა კენჭისყრის დაგვიანებით დაწყებას…

აჭარის ხუთ ოლქში სამართლიან არჩევნებს, არჩევნების დამთავრების დროისთვის, სულ ხუთი საჩივარი აქვს დაწერილი.

ბათუმში, 79 ოლქში, ,,სამართლიანი არჩევნების,, დამკვირვებლებმა ორი საჩივარი დაწერეს 81-ე სპეცუბანზე, მათგან ერთი ეხებოდა წილისყრით ფუნქციების განაწილებას, ანუ ერთ-ერთი პიროვნების ფუნქცია წინასწარ იყო დანიშნული. შესაბამისად, წილისყრა განმეორებით ჩატარდა.

მეორე საჩივარი უკავშირდებოდა კენჭისყრის დაგვიანებით დაწყებას: 81-ე უბნის ამომრჩეველი არ ირჩევდა მაჟორიტარ კანდიდატს, მაგრამ უბანში მიიტანეს მაჟორიტარული ბიულეტენები. სამართლიანი არჩევნების წარმომადგენლის მადონა ბერიძის თქმით, „პროცესი ამ ბიულეტენების უკან წამოღებამ დააყოვნა“.

მესამე საჩივარი დაიწერა 16-ე უბანზე, სხვის ნაცვლად ხმის მიცემის ფაქტზე.

 

გარდა ამისა, “სამართლიანმა არჩევნებმა” ბათუმის 22-ე უბანზე ხუთი ფაქტი დააფიქსირა, როცა ხმის მიცემის მცდელობა იყო განმეორებით. ანუ ხუთ ამომრჩეველს დახვდა ხელი მოწერილი და ხმა მიცემული.

 

ასევე დარღვევა დაფიქსირდა ქობულეთის მე-2 უბანზე. ამ უბანზე ხმა მისცა ამომრჩეველმა, რომლის პირადობაშიც რეგისტრაციის ადგილი არ იყო მითითებული.

 

“სამართლიან არჩვნებს” აჭარის ყველა ოლქში ჰყავდა დამკვირვებელი, თუმცა უბნებს სრულად ვერ ფარავდა.

ნეტგაზეთის მასალების სხვა გამოცემებში გადაბეჭდვის წესი
გაზეთი ბათუმელები