რუსმა ბლოგერმა და პუტინის კრიტიკოსმა, მარკ ფეიგინმა საქართველოს ყოფილი პრეზიდენტის, მიხეილ სააკაშვილის წერილი გამოაქვეყნა, სადაც ექსპრეზიდენტი წერს, რომ პუტინმა გასცა ციხეში მისი მოკვლის ბრძანება. აღნიშნული ხელნაწერი წერილის ფოტო ფეიგინმა ტვიტერის საკუთარ გვერდზე გამოაქვეყნა.

“პუტინმა ნამდვილად გასცა ჩემი ციხეში მოკვლის ბრძანება. ამერიკელმა ტოქსიკოლოგებმა ზუსტად დაადგინეს, რომ მე ციხეში მომწამლეს და ყველა ჩემი სიმპტომის გამომწვევი ეს გახდა. ვცდილობ გავუძლო”, – წერს სააკაშვილი.

წერილის გამოქვეყნებასთან ერთად ფეიგინი წერს: “თუ არაფერს მოვიმოქმედებთ მიხეილ სააკაშვილი მოკვდება”.

Письмо Михаила Саакашвили ко мне из тюремной больницы. Если ничего не делать, умрёт Михаил Николозович. pic.twitter.com/kw9k0jAAXS

— ФЕЙГИН LIVE (@FeyginMark4) December 23, 2022

წერილის ავთენტურობის გადასამოწმებლად ნეტგაზეთი მიხეილ სააკაშვილის ადვოკატებს დაუკავშირდა. ინფორმაციის მიღებისთანავე მასალა განახლდება.