ახალი ამბები

ირაკლი იმნაიშვილი რ2-ს ტოვებს

24 ნოემბერი, 2022 • 843
ირაკლი იმნაიშვილი რ2-ს ტოვებს

ტელეკომპანია „რუსთავი 2-ის“ აღმასრულებელი დირექტორი და საინფორმაციო სამსახურის ყოფილი უფროსი ირაკლი იმნაიშვილი აცხადებს, რომ ჯანმრთელობის პრობლემების გამო ტელეარხს ტოვებს.

„სამწუხაროდ, ამ ეტაპზე მიწევს, ჩემს ჯანმრთელობაზე მთლიანად გადავერთო და ამის გამო ვტოვებ „რუსთავი 2-ის“ აღმასრულებელი დირექტორის თანამდებობას“, – დაწერა მან 24 ნოემბერს ფეისბუკზე.

„როდესაც „რუსთავი 2“ ფიზიკური განადგურების და გაქრობის საფრთხის წინაშე იდგა, პატივი მერგო ვყოფილიყავი იმ გუნდის წევრი, რომელმაც გაქრობას გადაარჩინა 27 წლის ისტორიის მქონე სამაუწყებლო კომპანია“, – წერს იგი.

ირაკლი იმნაიშვილი 2000-ანი წლების დასაწყისში ტელეკომპანია „მზეში” მუშაობდა, მოგვიანებით კი – „რუსთავი 2-ში.

„ნაციონალური მოძრაობის“ მმართველობის პერიოდში, 2005 წელს, მისი გადაცემა დახურეს, რის შემდეგაც დიდ ბრიტანეთში გადავიდა საცხოვრებლად.

ირაკლი იმნაიშვილი „რუსთავი 2-ში“ მას შემდეგ დაბრუნდა და აღმასრულებელი დირექტორი გახდა, რაც ადამიანის უფლებათა ევროპული სასამართლოს გადაწყვეტილების შემდეგ, ტელეარხი ერთ-ერთ ყოფილ მფლობელს, ქიბარ ხალვაშს დაუბრუნდა.

გენერალური დირექტორის, ნიკა გვარამიას შემდეგ ტელეარხიდან გაათავისუფლეს საინფორმაციო სამსახურის უფროსი ნოდარ მელაძე, ტელეწამყვანები – ნანუკა ჟორჟოლიანი, ეკა კვესიტაძე და გიორგი გაბუნია – და გენ.დირექტორის მოადგილე გიორგი ლაფერაშვილი.

მფლობელის ცვლილების შემდეგ ჟურნალისტებისა და თანამშრომლების ნაწილი „რუსთავი 2-ში“ დარჩა, ნაწილისგან დაკომპლექტდა ორი ახლად დაარსებული ტელევიზია – „მთავარი არხი“ და „ფორმულა“.

მასალების გადაბეჭდვის წესი

საქართველოში აპირებდნენ კანონის მიღებას „უცხოური გავლენის აგენტების“ შესახებ. მსგავსმა კანონმა პუტინის რუსეთში ფაქტობრივად გააქრო კრიტიკული მედია და სამოქალაქო სექტორი.

ამ კანონის მიზანი იყო საქართველოში მოქმედი იმ მედია ორგანიზაციების “გაშავება”, რომლებიც აკრიტიკებენ ხელისუფლებას.