სოსო ბლიაძის მეორე სრულმეტრაჟიანი ფილმი “ჩემი ოთახი” მონაწილეობას მიიღებს ბელფასტის კინოფესტივალის საერთაშორისო კონკურსში.
ფესტივალი გაიმართება ჩრდილოეთ ირლანდიის ქალაქ ბელფასტში, 3 ნოემბრიდან 12 ნოემბრის ჩათვლით. სოსო ბლიაძის ფილმის ჩვენება შედგება 12 ნოემბერს.
რამდენიმე დღის წინ “ჩემი ოთახი” გახდა კიოლნის ფესტივალის მთავარი პრიზის მფლობელი. ფილმის პრემიერა შედგა ივლისში კარლოვი-ვარის კინოფესტივალზე, სადაც თაკი მუმლაძემ და მარიამ ხუნდაძემ მოიპოვეს პრიზი ქალის როლის საუკეთესო შესრულებისთვის.
