მწვერვალ თეთნულდზე ნაპრალში გადავარდნილი ტურისტი დაიღუპა. ამის შესახებ ნეტგაზეთს საგანგებო სიტუაციების მართვის სამსახურში განუცხადეს.

მათივე ცნობით, დაღუპულის ცხედარი სასაზღვრო პოლიციის ვერტმფრენის დახმარებით მესტიაში ჩამოასვენეს.

მწვერვალ თეთნულდზე 6 უცხოელი ტურისტი იყო ჩარჩენილი, რომელთაგან 2 დაშავებული ტურისტი მაშველებმა დღეს გამოიყვანეს.

დაშავებულ მთასვლელთა ინფორმაციით, მათი ჯგუფიდან 3 წევრი დამოუკიდებლად გადაადგილდებოდა, ხოლო ერთი-ერთი წევრი ნაპრალში იყო გადავარდნილი.