საია პოლიტიკურ პარტიებს თანამშრომლობას და ინფორმაციის ურთიერთგაცვლას სთავაზობს.
”დროული და დადასტურებული ინფორმაციის არსებობის შემთხვევაში, საიას ექნება შესაძლებლობა შესაბამისი სამართლებრივი მსვლელობა მისცეს საქმეს და კვალიფიციური დახმრება გაუწიოს ნებისმიერ მსურველს”- ნათქვამია ახალაგზარდა იურისტთა ასოციაციის განცხადებაში, რომელიც ორგანიზაციამ დღეს თავის ვებ გვერდზე გამოაქვეყნა.
ინფორმაციის ურთიერთგაცვლისას საია განსაკუთრებულ აქცენტებს შემდეგ დარღვევებზე ამახვილებს:
• მოქალაქეთა მოსყიდვა;
• ადმინისტრაციული რესურსის გამოყენება;
• მოქალაქეების დაშინება და ზეწოლა;
• თანამდებობრივი ან სამსახურებრივი მდგომარეობის გამოყენება;
• ადმინისტრაციული რესურსების არათანაბარი ხელმისაწვდომობა.
საქართველოს ახალგაზრდა იურისტთა ასოციაცია აცხორციელებს როგორც წინასაარჩევნო, ასევე არჩევნების და არჩევნების შმდგომი პერიოდის მონიტორინგს.