პრემიერ-მინისტრ ირაკლი ღარიბაშვილის განცხადებით, საქართველოს ეკონომიკური ზრდის მაჩვენებლით გაოცებულები არიან მისი ევროპელი კოლეგები.
ამის შესახებ მან დღეს, 6 ივნისს, მთავრობის სხდომაზე განაცხადა.
ამასთან, მისი თქმით, სიღარიბის დონე ბოლო წლებში ისტორიულ მინიმუმზეა ჩამოსული და 17.5%-მდეა შემცირებული.
„ამასობაში ჩვენც ვაგრძელებთ ეკონომიკის განვითარებას, ქვეყანაში არის ძალიან პოზიტიური დინამიკა. უპრეცედენტო ეკონომიკური ზრდა გვაქვს, ჩემი ევროპელი კოლეგები გაოცებული ისმენდნენ ჩვენს, ჩემი და ლევანის [დავითაშვილის] საუბრებს სულ ახლახან, როცა ვიყავით ბრატისლავაში. ასეთი ეკონომიკური ზრდა ძალიან ცოტა ქვეყანას აქვს დღეს მსოფლიოში. პირველი კვარტალი ჩვენ დავხურეთ 14%-იანი ეკონომიკური ზრდით და 4 თვეში ჩვენ გამოგვივიდა 10.8%-იანი ზრდა, რაც ძალიან სასიხარულოა“, – განაცხადა ღარიბაშვილმა.
- ტრანსპორტი და დასაწყობება;
- სასტუმროები და რესტორნები;
- ელექტროენერგიის, აირის, ორთქლის და კონდიცირებული ჰაერის მიწოდება;
- საფინანსო და სადაზღვევო საქმიანობა;
- ხელოვნება, გართობა და დასვენება;
- სამთომოპოვებითი მრეწველობა.
ხოლო კლება შეინიშნება:
- მშენებლობა;
- დამამუშავებელი მრეწველობა;
- პროფესიული, სამეცნიერო, ტექნიკური საქმიანობები;
- ვაჭრობა.