თბილისში, ჭავჭავაძის გამზირზე მოქალაქეს ავტობუსი დაეჯახა.

დაშავებული მოქალაქე სიმონ ხეჩინაშვილის სახელობის საუნივერსიტეტო კლინიკაში გადაიყვანეს.

შინაგან საქმეთა სამინისტროს ინფორმაციით, მომხდარზე დაწყებულია გამოძიება საქართველოს სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ნეტგაზეთს კლინიკაში განუცხადეს, რომ დაშავებულის მდგომარეობა მძიმეა.