ახალი ამბები

უკრაინაში რუსეთის სატანკო ბიატლონის გამარჯვებული მოკლეს

9 მაისი, 2022 •
უკრაინაში რუსეთის სატანკო ბიატლონის გამარჯვებული მოკლეს

უკრაინაში მოკლეს 25 წლის ბურიატი ტანკისტი, რომელიც რუსეთში 2021 წელს ჩატარებული სატანკო ბიატლონის ერთ-ერთი გამარჯვებული იყო.

ბატო ბასანოვი 14 მარტს გარდაიცვალა, თუმცა ცნობები ამის შესახებ მხოლოდ რამდენიმე დღის წინ გაავრცელა ტელეგრამის სხვადასხვა არხმა.

იგი ბურიატეთში, საკუთარ ქალაქში 6 მაისს დაკრძალეს.

ტანკების ბიატლონი შეჯიბრია, რომელიც პოპულარობით სარგებლობს რუსულ არმიაში. ბიატლონში ტანკები ერთმანეთს ეჯიბრებიან ზუსტ სროლასა და მანევრირებაში. მისი ინსპირაცია ბიატლონია. ტანკებს ბიატლონში საერთაშორისო ასპარეზობებიც იმართება, რომელშიც რუსეთთან ერთად სხვა ქვეყნების ტანკისტებიც მონაწილეობენ.

24 თებერვლიდან  პუტინის რუსეთი უკრაინაში იმპერიალისტურ ომს აწარმოებს, რომლის მიზანიც თავდაპირველად უკრაინის ხელისუფლებისა და ქვეყნის საგარეო პოლიტიკის ცვლილება იყო, თუმცა მას შემდეგ, რაც რუსეთის საოკუპაციო ძალებმა ვერ შეძლეს კიევის დაკავება, ომის მეორე ფაზა დაიწყო, რომლის გაცხადებულ მიზანსაც აღმოსავლეთ უკრაინაში ტერიტორიული წინსვლა წარმოადგენს. ომის მკვლევრებისა და უცხოური სადაზვერვო სამსახურების თანახმად, რუსეთს აღმოსავლეთ უკრაინაში არანაირი ან მინიმალური წინსვლაც არ აქვს.

 

მასალების გადაბეჭდვის წესი