საქართველოს პროკურატურამ, თბილისში, შარტავას ქუჩაზე მომხდარი საგზაო-სატრანსპორტო შემთხვევის ფაქტზე, რომლის დროსაც არასრულწლოვანმა ჯანმრთელობის მძიმე ხარისხის დაზიანება მიიღო, ერთ პირს ბრალდება წარუდგინა.
პროკურატურის განცხადებით, პირს, რომელიც „BMW“-ს მარკის ავტომობილს გადაჭარბებული სიჩქარით მართავდა, ბრალი წარედგინა საქართველოს სისხლის სამართლის კოდექსის 276-ე მუხლის მე-4 ნაწილით (ავტომობილის მოძრაობის უსაფრთხოების წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის მძიმე დაზიანება გამოიწვია).
საქართველოს სისხლის სამართლის კოდექსის 276-ე მუხლის მე-4 ნაწილი ითვალისწინებს ჯარიმას ან თავისუფლების აღკვეთას ვადით 3-დან 5 წლამდე.
პროკურატურა ბრალდებულის მიმართ აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს.
შემთხვევის შედეგად დაშავებულ 8 წლის ბავშვს ფეხის ამპუტაციის ოპერაცია ჩაუტარდა.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
