აბაშის საკრებულოს ახლად არჩეული თავმჯდომარე ლევან მაკალათია გადადგა და დეპუტატის მანდატზეც უარი თქვა.
როგორც „ნეტგაზეთს“ აბაშის საკრებულოს აპარატის უფროსმა გოჩა ხურცილავამ განუცხადა, მაკალათია პირადი განცხადების საფუძველზე გადადგა და მიზეზი არ დაუსახელებია. მაკალათიას უფლებამოსილების შეწყვეტის შესახებ განცხადება საკრებულოს დღევანდელ სხდომაზე ცნობად მიიღეს.
ლევან მაკალათია „ქართულ ოცნებას“ წარმოადგენდა. ვინ იქნება საკრებულოს ახალი თავმჯდომარე, ჯერჯერობით ცნობილი არ არის.
