ცოტა ხნის წინ 82 წლის ასაკში გარდაიცვალა ყოფილი დიპლომატი გელა ჩარკვიანი. ნეტგაზეტის ინფორმაციით, ის ბოლო პერიოდში ავადმყოფობდა.
“გარდაგვეცვალა ჩემი უსაყვარლესი და უძვირფასესი მამა. ჩვენც და ქვეყანამაც დაკარგა გამორჩეული ადამიანი — გელა ჩარკვიანი… პანაშვიდები დღეს და ხვალ. პეკინის 14 . გასვენება ხუთშაბათს 2 საათზე სახლიდან“, — წერს ფეისბუკზე გელა ჩარკვიანის შვილი თეონა ჩარკვიანი.
გელა ჩარკვიანი 1976-1994 წლებში იყო სატელევიზიო გადაცემა „გლობუსის“ წამყვანი, 1995-2003 წლებში კი, საგარეო პოლიტიკის საკითხებში პრეზიდენტის მრჩეველი, 2005 წელს- დიდ ბრიტანეთსა და ირლანდიაში საქართველოს წარმომადგენელი, ხოლო 2006 წლიდან- ელჩი. გელა ჩარკვიანმა დიპლომატიური საქმიანობა 2011 წელს შეწყვიტა.
ის არის არაერთი წიგნისა და თარგმანის ავტორი. გელა ჩარკვიანის შვილი იყო მუსიკოსი ირაკლი ჩარკვიანი.