გიორგი გახარიას პარტიის, „საქართველოსთვის“, ერთ-ერთი ლიდერი, ნათია მეზვრიშვილი აცხადებს, რომ „ქართული ოცნება“ და „ნაციონალური მოძრაობა“ „მასკარადს“ აგრძელებენ.
„არჩევნებამდე 3 დღით ადრე, 2 ტოქსიკური პოლიტიკური პარტია – „ქართული ოცნება“ და „ნაციონალური მოძრაობა“ აგრძელებენ მასკარადს იმის დასამტკიცებლად, თუ რომელია უარესი, რითაც წარსულში ექაჩებიან ქვეყანას“, – დაწერა მეზვრიშვილმა ტვიტერზე „ქართული ოცნების“ მრავალათასიანი აქციის პარალელურად. რამდენიმე დღით ადრე თბილისში „ნაციონალური მოძრაობის“ აქციაც გაიმართა.
„საქართველოს მომავალი არ შეიძლება განსაზღვრონ იმ პარტიებმა, რომლებსაც არ შეუძლიათ საკუთარი შეცდომების აღიარება. ადგილობრივმა არჩევნებმა უჩვენა ორპარტიული მმართველობის დასასრულის ნამდვილი ნიშნები“, – წერს მეზვრიშვილი ტვიტერზე.
3 days before elections 🇬🇪 2 toxic political parties – GD&UNM continue their masquerade of proving who’s the worst, dragging country into the past. Future of 🇬🇪 can’t be defined by parties unable admitting their wrongs. Local elections created real signs of ending two-party rule.
— Natia Mezvrishvili (@N_mezvrishvili) October 27, 2021
თბილისში, თავისუფლების მოედანზე „ქართული ოცნება – დემოკრატიული საქართველოს“ მიერ ორგანიზებული აქცია იმართება.
