პრეზიდენტი სალომე ზურაბიშვილი აგვისტოს ომზე სტრასბურგის სასამართლოს ბოლო გადაწყვეტილებას ეხმაურება.

„ადამიანის უფლებათა ევროპულმა სასამართლომ კიდევ ერთხელ აჩვენა, რომ საქართველო ისტორიის სწორ მხარესაა“, – აცხადებს საქართველოს პრეზიდენტი.

პრეზიდენტმა ზურაბიშვილმა ტვიტერზე დაწერა, რომ „სტრასბურგი სასამართლოს გადაწყვეტილება საჩივრების დაუშვებლობის შესახებ კიდევ ერთი მნიშვნელოვანი სამართლებრივი გამარჯვებაა ჩვენი მშვიდობიანი დეოკუპაციის გზაზე“.

In “Bekoeva and Others v. Georgia” and “Shavlokhova and Others v. Georgia”, Georgia was once again shown on the right side of history by the #ECHR.

The Strasbourg court ruling the appeals inadmissible is yet a new judicial important victory on our path to peaceful deoccupation

— Salome Zourabichvili (@Zourabichvili_S) October 21, 2021

2008 წლის აგვისტოს ომის საქმეზე სტრასბურგის სასამართლომ რუსეთის მოქალაქეების სარჩელი საქართველოს წინააღმდეგ არ დააკმაყოფილა.

ევროსასამრთლომ საქმეებზე — „ბეკოევა და სხვები საქართველოს წინააღმდეგ“ და „შავლოხოვა და სხვები საქართველოს წინააღმდეგ“ — გადაწყვეტილებები გამოაქვეყნა და საჩივრები დაუშვებლად გამოაცხადა. საქმეები აერთიანებს 2008 წლის აგვისტოს ომთან დაკავშირებით ცხინვალის რეგიონში მცხოვრები მოსახლეობის მიერ საქართველოს წინააღმდეგ შეტანილი საჩივრების ნაწილს.

აღნიშნულთან დაკავშირებით საქართველოს იუსტიციის მინისტრმა რატი ბრეგაძემ ბრიფინგი გამართა და განაცხადა, რომ სტრასბურგის სასამართლოს განჩინებები საერთაშორისო სასამართლოში რუსეთის ფედერაციის წინააღმდეგ საქართველოს კიდევ ერთ წარმატებას წარმოადგენს.

ვრცლად:

• აგვისტოს ომზე რუსეთის მოქალაქეების სარჩელები სტრასბურგმა არ დააკმაყოფილა