საქართველოს ეკონომიკის მინისტრის მოადგილე მარიამ ქვრივიშვილი აცხადებს, რომ დაიწყო მოლაპარაკებები პორტუგალიასა და საქართველოს შორის პირდაპირ ავიარეისებთან დაკავშირებით.
8 სექტემბერს, პორტუგალიის ეროვნული ავიაკომპანიის, TAP Air Portugal-ის პრეზიდენტთან შეხვედრის შემდეგ, ქვრივიშვილმა ფეისბუკზე დაწერა:
„დავიწყეთ მოლაპარაკება პორტუგალიიდან საქართველოს მიმართულებით პირდაპირი რეისების დანიშვნის შესაძლებლობაზე“.
„საქართველოს ავიაციის სექტორის შთამბეჭდავი აღდგენის ტემპი და ტურიზმის სექტორის უდიდესი პოტენციალი – პოზიტიურ მოლოდინებს გვიქმნის პირდაპირი რეისების დანიშვნის შესაძლებლობაზე“, – წერს ეკონომიკისა და მდგრადი განვითარების მინისტრის მოადგილე.
