ნეტგაზეთი | საზმაუს ოპერატორზე თავდასხმისთვის ბრალდებულს წინასწარი პატიმრობა შეეფარდა საზმაუს ოპერატორზე თავდასხმისთვის ბრალდებულს წინასწარი პატიმრობა შეეფარდა – Netgazeti
Batumelebi | RU

საზმაუს ოპერატორზე თავდასხმისთვის ბრალდებულს წინასწარი პატიმრობა შეეფარდა

თბილისის საქალაქო სასამართლომ „თბილისი პრაიდის” საწინააღმდეგო აქციის დროს საზოგადოებრივი მაუწყებლის ოპერატორზე, ილია თვალიაშვილზე ძალადობის ბრალდებით დაკავებულ გიორგი წარუაშვილს აღკვეთის ღონისძიების სახით პატიმრობა შეუფარდა.

საზოგადოებრივი მაუწყებლის ოპერატორ ილია თვალიაშვილს 5 ივლისს საპატრიარქოს მიერ მობილიზებულმა ძალადობრივმა ჯგუფებმა თვალები დაუზიანეს. გამოძიების თანახმად, ბრალდებულმა „თბილისი პრაიდის“ საწინააღმდეგოდ გამართული აქციის მიმდინარეობის დროს, საზოგადოებრივი მაუწყებლის ოპერატორს სამსახურებრივი მოვალეობის შესრულებისას ფიზიკური და სიტყვიერი შეურაცხყოფა მიაყენა. წარუაშვილს ბრალი წარდგენილი აქვს საქართველოს სისხლის სამართლის კოდექსის 154-ე მუხლის მე-2 ნაწილით, 156-ე მუხლის მე -2 ნაწილის “ა” ქვეპუნქტით და 225-ე მუხლის მე-2 ნაწილით.

5 ივლისს ჟურნალისტებისთვის პროფესიულ საქმიანობაში ძალადობის მუქარით, უკანონოდ ხელის შეშლის, ჯგუფური ძალადობის და ძალადობის მუქარით დევნის ფაქტებზე დაკავებულია 24 პირი.

“ორი კვირა მჭირდება, რომ თვალი გავახილო” — 5 ივლისს ნაცემი ოპერატორი

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.