ნეტგაზეთი | ზაზა გახელაძე ბიბილოვმა შეიწყალა ზაზა გახელაძე ბიბილოვმა შეიწყალა – Netgazeti
Batumelebi | RU
ზაზა გახელაძე

ზაზა გახელაძე ბიბილოვმა შეიწყალა

გამყოფ ხაზთან დაკავებული ზაზა გახელაძე სამხრეთ ოსეთის დე ფაქტო პრეზიდენტმა ანატოლი ბიბილოვმა შეიწყალა.

შესაბამისი ბრძანებულება ბიბილოვმა დღეს გამოსცა და ძალაში დღეიდანვე შევიდა.

ნეტგაზეთი საქართველოს სახელმწიფო უსაფრთხოების სამსახურში ცდილობს დადგენას, თუ კონკრეტულად როდის დაუბრუნდება ზაზა გახელაძე ოჯახს.

ზაზა გახელაძე სოფელ ქვემო ჭალაში 2020 წელს დააკავეს. იგი აქამდე ცხინვალის საპყრობილეში რჩებოდა.

ივნისის თვეში გახელაძის ოჯახის წევრებმა სოფელ ქვემო ჭალაში მსვლელობა გამართეს. ოჯახის წევრები მანამდე საპროტესტო აქციის ჩატარებასა და საავტომობილო მაგისტრალის გადაკეტვას აპირებდნენ.

ზაზა გახელაძის მამა აცხადებდა, რომ აპირებდა “საზღვრის” გადაკვეთას, რათა იმ საპყრობილეში მოხვედრილიყო, სადაც მისი შვილი იმყოფებოდა.

მოგვიანებით, ოჯახმა გააუქმა დაგეგმილი საპროტესტო მოქმედებები, რადგან საქართველოს პატრიარქმა, ილია მეორემ რუსეთის საპატრიარქოს მიმართა თხოვნით, ჩართულიყვნენ ზაზა გახელაძის განთავისუფლებაში.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის ოქტომბრიდან. ელ-ფოსტა: zmenaghare@gmail.com