კომპანია „ჯონსონ & ჯონსონი“ აცხადებს, რომ მისი წარმოებული ვაქცინა, სულ ცოტა, 8-თვიან იმუნიტეტს გამოიმუშავებს კორონავირუსის წინააღმდეგ და „ადეკვატურ დაცვას“ უზრუნველყოფს ვირუსის „დელტა“ შტამის წინააღმდეგაც.
ინფორმაცია კომპანიამ პირველ ივლისს გაავრცელა. „ჯონსონ & ჯონსონის“ წარმოებული კორონავირუსის ერთდოზიან ვაქცინას დიდი ბრიტანეთის წამლების მარეგულირებელმა გამოყენების ნებართვა ივლისში მიანიჭა.
არსებული მონაცემებით, ვაქცინა ადამიანებს კორონავირუსით გამოწვეული სხვადასხვა დაავადების განვითარებისგან 85%-ით იცავს.
ამერიკულ-ბელგიური წარმოების ვაქცინას ასევე უკვე აქვს ევროპის წამლის სააგენტოს, აშშ-ის საკვებისა და მედიკამენტების ადმინისტრაციის და ჯანდაცვის მსოფლიო ორგანიზაციის ავტორიზაციები.
აღნიშნული ვაქცინა დაამზადა ბელგიურმა კომპანია “იანსენმა”. თავის მხრივ, იანსენის მფლობელია ამერიკული კომპანია „ჯონსონ & ჯონსონი“.
საქართველოში „ჯონსონი & ჯონსონის“ ვაქცინა შეტანილი არ არის და ჯერჯერობით, არც იგეგმება.
ქვეყანაში ამ დროისთვის აცრილია მხოლოდ 266 161 ადამიანი. ბოლო პერიოდში ვაქცინაციის პროცესი შეფერხებულია.
რატომ გაუქმდა „ასტრაზენეკაზე“ ჯავშნები – გამყრელიძის განმარტება
