ახალი ამბები

ხან შედიან, ხან გამოდიან, თავში ქვა უხლიათ – კობახიძე ოპოზიციაზე

24 ივნისი, 2021 • 1063
ხან შედიან, ხან გამოდიან, თავში ქვა უხლიათ – კობახიძე ოპოზიციაზე

“ქართული ოცნების” თავმჯდომარე ირაკლი კობახიძე ამბობს, რომ ხალხი ოპოზიციის ქცევით დაიღალა. ასე გამოეხმაურა “ლელოს” ინიციატივას, რომ მოსამართლეების დანიშვნის პროცესის გაგრძელების შემთხვევაში, პარლამენტიდან გავლენ.

როგორც მამუკა ხაზარაძე აცხადებს, მოსამართლეების დანიშვნის პროცესის გაგრძელება შეთანხმების უხეში დარღვევაა. თუმცა კობახიძე ამ ბრალდებებს სიცრუეს უწოდებს.

“პირველი: ტყუილია ის, რომ ჩვენი მოქმედება ეწინააღმდეგება მიშელის დოკუმენტს. პირიქით, ჩვენ ვმოქმედებთ ზუსტად მიშელის დოკუმენტის შესაბამისად.

მეორე: ხალხი, საზოგადოება დაიღალა ამ მუდმივი საუბრებით შესვლაზე, გამოსვლაზე, ხან შედიან, ხან გამოდიან, თავში ქვა უხლიათ, რაც უნდათ- გაუკეთებიათ, ეს არის ჩვენი პასუხი”, – განაცხადა ირაკლი კობახიძემ.

ვიღაცამ ისე გაიგო, რომ დღეს ვაპირებდი პარლამენტიდან გასვლას, არა, ბატონებო – ხაზარაძე

 

მასალების გადაბეჭდვის წესი